بكل الجوارح ..

كيف مالربيع ايطل  .. علي ديار طويها الجدب طليتى

كيف مالهلال ايهل ..  في ليل العتم أنتِ علي هليتى

آه ياعشقِ المحبة الدافية

آه يانسمة هواي الغافية

بين شد .. وِِِبين مد .. نا خاطري خليتى 

لو تعلمى  كم  خاطري 

 ضم الودايد فيك

وبقيتى سحاب

غير أندهي ياولفتى

  ناتى ونا ماني قليل الهمة

غير أندهي يافرحتى

وناعارف صعيب اللقا واللمة

 لكن غلبنى كيده .. حنين خاطري لعيونك أشتاق

 غلبنى وماهو بيده  .. ولاهو قنع فيه الزمان فراق

في خاطري الدنيا ربيع

منسوج ياقطر الندي بأزهارة

وفي ناظري مخذب بديع

 وشمسك دفا ترسل علي نوارة

لو تنشدي مطراحنا

تلقيه زاد رايف على ملقانا